Hoe werk die sewe dimensies?

Wat is die dimensies nou eintlik? Is dit dieselfde as die waardes?

Kom ons begin by die begin. Hoekom sewe? Want sewe dimensies is wat ons nodig het om 'die hele mens in sy totale omgewing' te bereik (en sewe omdat dit 'n Bybelse getal is).

Die visie van die sewe dimensies is 'Heel mense wat toegerus is om hulle wêreld te verander, sodat hulle God en mens liewer kan hê'.

ALS is meer as net 'n gewone kerk. Ons ken kerk as 'n plek waarheen ek gaan om "bepreek" te word, en dan gaan ek huis toe en einde van storie. Maar by ALS is dit anders.

Ons wil mense help om te verander in elke aspek van hulle lewens - en die sewe dimensies is ons manier om seker te maak dat ons by elke aspek van mense se lewens uitkom.
Is dit Bybels? Verseker - 'God stel belang in my hele menswees', en geestelike groei beteken groei in elke aspek van my lewe.

So wat is die sewe dimensies? 'n Tabel sal die beste werk.

Party geleerdes sit 'n agtse dimensie by, nl. ontspanning, maar ons glo dis deel van elke ander dimensie. Daar moet rustige tye wees in jou verhouding met die Here, en rustige tye by die werk (koffiebreuke), ens.

En net om seker te maak, werk ons met 'vier fokusareas' ook. Dit klink deurmekaar, maar hou kop...

In elke dimensie het ons vier fokusareas. Dit begin by een tot een berading, en dan kring dit al hoe wyer uit.

Die tweede fokusarea is kleingroepe, die derde is kursusse, en die laaste is gemeenskapsontwikkeling of uitreike. As ons dienste kan lewer in al vier hierdie fokusareas, in al sewe die dimensies, dan tref ons alles.

Ons doen al klaar berading en kursusse in al die dimensies, maar daar is nog baie ruimte vir ontwikkeling.

Op 'n manier is die sewe dimensies 'n sambreel vir al die bedieninge in die gemeente.